Association Switzerland

വേൾഡ് മലയാളീ കൗൺസിൽ കേരളപ്പിറവി ആഘോഷം നവംബർ മൂന്നിന് സൂറിച്ചിൽ

നവംബർ മൂന്നിന് കേരളപ്പിറവി ആഘോഷവേദിയിൽ ഉണ്ണി മേനോൻ,ഫ്രാങ്കോ,ഗായത്രി സുരേഷ്

തൊഴുതു മടങ്ങും സന്ധ്യയും ഏതോ വീഥിയില്‍ മറയുന്നു എന്ന പാട്ടു പാടി മലയാളിയൂടെ മനസ്സില്‍ കുടിയേറിയ ഉണ്ണി മേനോനെ മറക്കാന്‍ പറ്റുമോ.വേറിട്ട ഒരു ശബ്ദം ആണു ഉണ്ണിമേനോന്റേത്. ആദ്യം മറ്റു ഭാഷക്കാര്‍ ആ ശബ്ദം കൊണ്ടാടിയപ്പോള്‍ പതുക്കെ പതുക്കെ മലയാളത്തിന്റെ കണ്ണും കാതും തുറന്നു. അവസരങ്ങളെ ഓടിച്ചിട്ടു പിടിക്കാനുള്ള മനസ്സും വളര്‍ത്തിയെടുക്കാനുള്ള സൌഹൃദങ്ങളുമില്ലാഞ്ഞിട്ടും ഉണ്ണി മേനോന്റെ പാട്ടുകള്‍ക്ക് കേള്‍വിക്കാരുണ്ടായി.ശുദ്ധവും സൌമ്യവുമായ സംഗീതം ഭാഷയുടേയും ദേശത്തിന്റെയും അതിര്‍ വരമ്പുകള്‍ ഭേദിച്ച് മുഴങ്ങി.മുപ്പത്തിമൂന്നു വർഷത്തെ സംഗീത യാത്രയിൽ പലഭാഷകളിലായി ആലപിച്ച ഗാനങ്ങൾ നിരവധിയും അതിലേറെയും മനസ്സിൽ തങ്ങി നിൽക്കുന്നവയും …


മദ്രാസിൽ ജോലി ചെയ്യുന്ന കാലം ബോറടിച്ചിട്ട് അതില്‍ നിന്നും രക്ഷ നേടാന്‍ റെക്കോഡിംഗ് സ്റ്റുഡിയോകളില്‍ പോയി തുടങ്ങി.അവിടെ വെച്ചു സംഗീത സംവിധായകന്‍ ചിദംബര നാഥിനെ പരിചയപ്പെട്ടു. അതായിരുന്നു ജീവിതത്തിലെ വഴിത്തിരിവ്. 1981ല്‍ അമുദും തേനും എന്ന തമിഴ് പടത്തിനു വേണ്ടി ചിദംബര നാഥിന്റെ ഒരു പാട്ട് പാടി സിനിമാ ലോകത്ത് തുടക്കം.1991 ല്‍ എ ആര്‍ റഹ്മാന്‍ ആണു വീണ്ടും അവസരം കൊടുത്തത്. റോജയിലെ പാട്ട് “പുതു വെള്ളൈ മഴൈ ” എന്ന പാട്ട് സൂപ്പര്‍ ഹിറ്റ് ആയി. എ ആര്‍ റ്ഹ്മാന്റെ മിന്‍സാര കനവ് എന്ന ചിതര്‍ത്തിലെ പാട്ടിനു തമിഴ് നാട് സര്‍ക്കാരിന്റെ അവാര്‍ഡ് കിട്ടി. ഭാരതിരാജയുടെ വര്‍ഷമെല്ലാം വസന്തം എന്ന ചിത്രത്തിലെ എങ്കെ എന്റെ വെണ്ണിലാ എന്ന പാട്ടിനും തമിഴ്നാട് സര്‍ക്കാരിന്റെ അവാര്‍ഡ് ലഭിച്ചു. 2003ല്‍ ശരത്തിന്റെ സ്ഥിതി എന്ന ചിത്രത്തില്‍ ” ഒരു ചെമ്പനിനീര്‍ പൂവിറുത്ത് ഞാന്‍ ഓമലേ എന്ന പാട്ട് ഉണ്ണി മേനോന്‍ തന്നെ സംഗീതം ചെയ്ത് പാടി അഭിനയിച്ചു . ഈ ബഹുമുഖ പ്രതിഭ കേരളപ്പിറവി ആഘോഷത്തിന് തന്റെ ഹിറ്റ് ഗാനങ്ങളിലൂടെ നിറമേകാൻ മറ്റു ഗായകരായ ഫ്രാങ്കോയോടും ഗായത്രി സുരേഷിനോടുമൊപ്പം നവമ്പർ മൂന്നിന് സൂറിച്ചിൽ ….

നാനാത്വത്തില്‍ ഏകത്വം സംസ്കാരത്തിന്റെ ഭാഗമായി കണ്ട് പൂര്‍‌വ്വസൂരികള്‍ നെയ്തെടുത്ത ഐക്യകേരള ഭൂമികയില്‍ 62 ആണ്ടിന്റെ മലയാള നിറവ്. തിരുവിതാംകൂറും തിരുക്കൊച്ചിയും മലബാറും ദര്‍ശിച്ച വൈവിധ്യത്തിന്റെ പൈതൃക ഭൂമിയില്‍ മലയാള നാടിന്റെ പെരുമ നിറഞ്ഞൊഴുകി. 1956 നവംബര്‍ ഒന്നിന്‌ കേരളം പിറവികൊള്ളുമ്പോള്‍ നവോത്ഥാനത്തിന്റെ പിന്തുടര്‍ച്ചയില്‍ ഉരുവം കൊണ്ട നവീനാശയങ്ങള്‍ ആവേശോജ്ജ്വലമായി ഏറ്റുപാടി. ഹരിതാഭമായ കാര്‍ഷിക സംസ്കൃതിയുടെ വീണ്ടെടുപ്പില്‍ മലയാള നാട് പ്രത്യാശയോടെ പ്രയാണം തുടരുന്നു …

നവംബർ മൂന്നിന് wmc ഒരുക്കുന്ന കേരള പിറവി ആഘോഷവേദിയിൽ ജെസ്‌നാ പന്നാരാകുന്നേൽ കൊറിയോഗ്രാഫി നിർവഹിച്ചു ഇന്‍ഡ്യന്‍ നൃത്തകലയുടെ ചിലമ്പൊലി പ്രതിധ്വനിപ്പിച്ചു ഉല്‍കൃഷ്ടമായ ഇന്‍ഡ്യന്‍ നൃത്തകലയുടെ നാനാത്വങ്ങളിലെ വൈശിഷ്ട്യം പ്രകടമാക്കി മുപ്പത്തിൽപരം കലാപ്രതിഭകളെ അണിനിരത്തി കണ്ണഞ്ചിപ്പിക്കുന്ന ഒരു കലാ വിരുന്നൊരുമായി എത്തുമ്പോൾ പ്രേക്ഷകരെ ഇന്‍ഡ്യയുടെ വിവിധ കലാസംസ്ക്കാരത്തിലേക്ക് കൈപിടിച്ചു നടത്തിയ്ക്കുമെന്നുള്ളതിന് സംശയമില്ല.

അതുപോലെ അരങ്ങിന്റെ വിശാലതയില്‍ ഒരുക്കിയ നാടകീയ മുഹൂര്‍ത്തങ്ങളുമായി നാട്ടിന്‍പുറത്തിന്റെ മൂല്യങ്ങള്‍ മായാത്ത മാനുഷീകതയും, മായംകലരാത്ത ഉണ്‍മയുമായി മണ്ണിന്റെ മണവും കരുത്തുമുള്ള ഷോർട് നാടകവുമായി ശ്രീ ജോസ് പുലിക്കോട്ടിൽ രചനയും സംവിധാനവും നൽകി വേദിയിലെത്തുകയും ഒപ്പം പ്രസിദ്ധ ഗായകരായ ഉണ്ണിമേനോൻ ,ഫ്രാങ്കോ ,ഗായത്രി സുരേഷ് എന്നിവരൊരുക്കുന്ന ഗാനസന്ധ്യയുമാകുമ്പോൾ ഈ വർഷത്തെ ആഘോഷങ്ങൾക്കു മാറ്റുകൂടുന്നു .

ഈ അസുലഭ നടന നാടക ഗാന വിസ്മയത്തിലേക്ക് ഏവരെയും സ്വാഗതം ചെയ്യുന്നതായി സംഘാടകര്‍ അറിയിച്ചു

വേൾഡ് മലയാളീ കൗൺസിൽ സ്വിസ്സ് പ്രൊവിൻസ് കേരളപ്പിറവി ആഘോഷം നവംബർ മൂന്നിന് സൂറിച്ചിൽ

സംസ്കാരം കൊണ്ടും ..കലകള്‍ കൊണ്ടും സമ്പന്നമായ ദൈവത്തിന്റെ സ്വന്തം നാട്ടിലെ ..സ്നേഹിക്കാനറിയുന്ന പ്രത്യേകിച്ച്.. നാടും വീടും മണ്ണും ഉപേക്ഷിച്ച് പ്രവാസ ജീവിതത്തിലേക്ക് പറിച്ചു നടപ്പെട്ട സ്വിസ്സ് മലയാളികൾക്കായി ഈ വർഷവും വേൾഡ് മലയാളീ കൗൺസിൽ സ്വിസ്സ് പ്രൊവിൻസ് വർണാഭമായ കേരള പിറവി ആഘോഷമൊരുക്കിയിരിക്കുന്നു നവംബർ മൂന്നിന് സൂറിച്ചിൽ .

നവംബർ 3 നു Rafz, Zurich -ൽ ആണ് പ്രോഗ്രാം ഒരുക്കിയിരിക്കുന്നത് . ആസ്വാദകര്‍ എന്നും ഓര്‍ത്തിരിക്കുന്ന ഒട്ടേറെ ഗാനങ്ങൾ നമുക്ക് സമ്മാനിച്ചിട്ടുള്ള എത്ര കേട്ടാലും മതിവരാത്ത തരത്തിലുള്ള ഒട്ടേറെ ഗാനങ്ങൾ ആലപിച്ചിട്ടുള്ള സ്വതസിദ്ധമായ ശബ്ദവുമായി മുന്നേറുന്ന പ്രശസ്ത ഗായകൻ ഉണ്ണി മേനോന്‍.

‘ചെമ്പകമേ’ എന്ന ആല്‍ബത്തിലൂടെ മലയാളികളുടെ, പ്രത്യേകിച്ച് യുവതലമുറയുടെ മനസ്സ് കീഴടക്കിയ , ഹിന്ദിയിലും ഇംഗ്ലീഷിലും മറ്റു തെന്നിന്ത്യന്‍ ഭാഷകളിലുമായി ആയിരത്തില്‍പരം ആല്‍ബങ്ങലിലും മറ്റുനിരവധി തെന്നിന്ത്യന്‍ സിനിമകള്‍ക്കു വേണ്ടിയും , ആലപിച്ച ഗാനങ്ങളിലെല്ലാം തന്റേതായ വ്യക്തിമുദ്ര പതിപ്പിക്കാന്‍ കഴിഞ്ഞ , തന്റെ ആലാപന ശൈലിയിൽ ശ്രോതാക്കളെ ഹരം പിടിപ്പിക്കുന്ന മലയാളത്തിന്റെ പ്രശസ്ത പിന്നണി ഗായകന്‍ ഫ്രാങ്കോ ,

2007 ൽ ഐഡിയ സ്റ്റാർ സിങ്ങറിലൂടെ എത്തി ഇതിഹാസ, ചിറകൊടിഞ്ഞ കിനാവുകൾ, ഡാഡി കൂൾ, കസബ തുടങ്ങിയ ചിത്രങ്ങളിൽ ഗാനങ്ങൾ ആലപിച്ച നിരവധി ഹിറ്റ് ആൽബങ്ങളിലൂടെയും പ്രേഷകരുടെ മനം കവർന്ന പ്രസിദ്ധയയാ പിന്നണി ഗായിക ഗായത്രി സുരേഷും അവരുടെ ലൈവ് ഓർക്കസ്ട്ര ടീമുമായി ആഘോഷരാവിനെത്തുന്നു .

സ്വിറ്റസർലണ്ടിലെ കുട്ടികളും യുവതലമുറയും ചേർന്ന് ഒരുക്കുന്ന ഓപ്പണിങ് പ്രോഗ്രാമും കേരളപിറവിയെക്കുറിച്ചുള്ള ലൈവ് സ്കീറ്റ് അവതരണവും സെലബ്രേഷൻൻറെ മറ്റു ആകർഷകമായിരിക്കും .

ആഘോഷങ്ങളോടനുബന്ധിച്ചു നടക്കുന്ന സാംസ്‌കാരിക സമ്മേളനത്തിൽ ഇന്ത്യൻ അംബാസഡർ ശ്രീ സിബി ജോർജ്ഉം ,സ്വിസ്സ് നാഷണൽ റാറ്റ് നിക് ഗൂഗറും മുഖ്യാതിഥികളായിരിക്കും .വേൾഡ് മലയാളീ കൗൺസിൽ സ്വിസ്സ് പ്രൊവിൻസ് ഒരുക്കുന്ന ഈ ആഘോഷരാവിലേക്കു എല്ലാ സ്വിസ്സ് മലയാളികളെയും ക്ഷണിക്കുന്നതായി ചെയർമാൻ ജോബിൻസൺ കൊറ്റത്തിൽ ,പ്രസിഡന്റ് ജോഷി പന്നാരകുന്നേൽ ,സെക്രട്ടറി ജോഷി താഴത്തുകുന്നേൽ ,ട്രഷറർ വിജയ് ഓലിക്കര എന്നിവർ അറിയിച്ചു .