Sports

ക്രൊയേഷ്യയുടെ രക്ഷകനും സെമിയില്‍ കളിച്ചേക്കില്ല

അവസാന രണ്ടു മത്സരങ്ങളിലും ക്രൊയേഷ്യയുടെ രക്ഷനായി മാറി ഗോള്‍കീപ്പര്‍ സുബാസിച് നാളെ നടക്കുന്ന സെമി ഫൈനലില്‍ കളിച്ചേക്കില്ല. റഷ്യക്കെതിരായ മത്സരത്തില്‍ പരിക്ക് സഹിച്ചായിരുന്നു സുബാസിച് അവസാന അര മണിക്കൂര്‍ കളിച്ചത്. താരം ഇതുവരെ പരിശീലനത്തിനിറങ്ങിയിട്ടില്ല. ഇത് സുബാസിച് നാളെ ഉണ്ടാകാന്‍ സാധ്യതയില്ല എന്നാണ് കാണിക്കുന്നത്.

നേരത്തെ ക്രൊയേഷ്യ ഫുള്‍ബാക്ക് സിമെ സെമി കളിക്കില്ല എന്ന് ഉറപ്പായിരുന്നു. സിമെയ്ക്ക് റഷ്യക്കെതിരായ മത്സരത്തിലായിരുന്നു പരിക്കേറ്റത്. ഇവരെ രണ്ട് പേരെയും കൂടാതെ ഡിഫന്‍ഡര്‍ ലോവ്റെനും പരിശീലനത്തിന് ഇറങ്ങിയിട്ടില്ല. നാളെ ഇംഗ്ലണ്ടിനെയാണ് ക്രൊയേഷ്യ സെമിയില്‍ നേരിടേണ്ടത്. അവസാന രണ്ട് നോക്കൗട്ട് മത്സരബങ്ങളിലും ഷൂട്ടൗട്ടിലെ സുബാസിചിന്റെ മികവായിരുന്നു ക്രൊയേഷ്യയെ രക്ഷിച്ചത്.