Entertainment

ജിമിക്കി കമ്മലിന് ശേഷം തകര്‍പ്പന്‍ ഡാന്‍സുമായി അപ്പാനി ശരത്

ജിമിക്കി കമ്മല്‍ തീര്‍ത്ത ഓളം ഇതുവരെ അടങ്ങിയിട്ടില്ല, പാട്ടിനൊപ്പം ശ്രദ്ധേ നേടിയതാണ് അപ്പാനി ശരതിന്റെ ഡാന്‍സും. തകര്‍പ്പന്‍ ചുവടുകളുമായെത്തിയ ശരതിന്റെ ഡാന്‍സിനെ ആരാധകര്‍ രണ്ടും കയ്യും നീട്ടി സ്വീകരിച്ചു. ഇപ്പോള്‍ മറ്റൊരു കിടിലന്‍ നൃത്തവുമായി എത്തിയിരിക്കുകയാണ് താരം. ശരത് ആദ്യമായി നായകവേഷത്തിലെത്തുന്ന കോണ്ടസയിലാണ് താരത്തിന്റെ തകര്‍പ്പന്‍ ഡാന്‍സ്. ഇതിന്റെ വീഡിയോ അണിയറപ്രവര്‍ത്തകര്‍ പുറത്തുവിട്ടു. ടക്ക ടക്ക എന്നു തുടങ്ങുന്ന ഗാനമാണ് പുറത്തുവിട്ടത്. ബി കെ ഹരിനാരായണന്റേതാണ് വരികള്‍. പാലക്കാട് ശ്രീറാം ആണ് ഗാനം ആലപിച്ചിരിക്കുന്നത്.